بنت مُبهِجةو ولد ناقد عرفتهم واحنا بنلعب حاجة
البنت عَرَّفِتني على بنت طلعت أختي.. مش قصدي حاجة
أختي فِهمتني وسِمعِتني وحسِّت ان عندي حاجة
قالت لي أنا عندي ليك حاجة
على بركة الله.. أنا وإنت وهي نعمل حاجة
سمعتها وحسيت ان أخيراً لقيت الحاجة
اتفقنا احنا التلاتة على أول حاجة إننا نلم ناس عايزين يعملوا حاجة
جبنا ناس بصراحة صحابنا بس دماغهم مش فاضية لأ .. فيها حاجة
رُحنا وجينا.. وزَّعنا ولَمينا .. اتأثرنا وغنينا بس كان لسة في حاجة
حسينا إن في حاجة مكتفانا .. حاجة لازم نعملها علشان فعلا نوصل للحاجة
دورنا على الحاجة اللي هتخلينا رسميا حاجة
ومن أول مُحولة قابلنا راجل عنده في مخه مليون حاجة وحاجة
قال لنا إزاي تجولي واسيبكم تمشوا من غير ماتبقوا حاجة
مبروك ..... أنتم بقيتوا حاجة
في لمة جميلة كان فيها أخ نوبي و قدوة بنت أسطورة ولِمِض ولِمِضَة ونقي ونقية وعفيفي وعفيفية وبرتغالي وابن كمال واللي بمليون جنسية … وبشوش وبشوشة ومرووش وخيَّالة وزعيري وجدعة وعنيف وهادية ومتفائل جديد و محللة اشتغلت معايا اللمض بس الناقد مجاش علشان كان عنده حاجة .
من غير منحسسهم بـحاجة
مسكوا ورقة بتقول ألف مبروك احنا بقينا حاجة
لحظة مفيش زيها أي حاجة
لقطة كده فيها حاجة
لأول مرة معرفتش اعبر إني جوايا حاجة
الحمد لله على كل حاجة
معلش أنا كان لازم أقول حاجة =)..
على الله ماتكونوش اتخنقتو من كتر كلمة حاجة ..
ليست هناك تعليقات:
إرسال تعليق